Работата ќе биде како спортување или играње видео игри, а парите би можеле да станат ирелевантни - така изгледа не толку далечната иднина, според извршниот директор на Тесла, Илон Маск.

Според Маск, тоа многу наскоро би можело да стане реална можност. 

„Работата ќе стане опционална бидејќи вештачката интелигенција и роботиката ќе продолжат да ја зголемуваат работната сила во следните 10 до 20 години“, изјави тој пред публиката на Инвестицискиот форум САД-Саудиска Арабија минатата недела. 

Тој дури и шпекулираше дека, доволно далеку во иднината, парите би можеле да престанат да бидат релевантни.

Извршниот директор на Нвидија, Јенсен Хуанг, со кого разговараше Маск, понуди поумерен поглед на иднината.

„Секој ќе работи различни работи. Како што работите што ни се здодевни сега стануваат полесни и ние стануваме попродуктивни, ќе имаме повеќе време да ги следиме идеите“, кажа тој. 

Звучи оптимистички, но можеби не е доволно за да ги смири стравовите на работниците дека вештачката интелигенција ќе им ги земе работните места.

Всушност, со несигурноста на пазарот на трудот и вестите за отпуштања што се закануваат, повеќе Американци бараат работа со скратено работно време и сезонска работа за да го надополнат својот приход. Неодамнешен извештај од Голдман Сакс откри дека повеќе луѓе прифаќаат „гиг“ работни места - од независни изведувачи до фриленсери, пренесува хрватски Forbes.

foto EPA/FRANCIS CHUNG / POOL