Енвер Хоџај, шефот на косовската дипломатија синоќа престојувал во Тирана, каде се сретнал со неговиот албански колега, Дитмир Бушати.

Во електронското изадание на приштинскиот весник „Експрес“ пишува дека Хоџај и Бушати, на средбата се координирале за разни теми од надворешната политика, пред најавената интензивна дипломатска активност на Косово, наредниот месец.

„Со министерот Бушати разговаравме за што подобра координација на теми и активности од надворешната политика, како и за зајакнување на стретешкото партнерство Косово-Албанија“ -изјавил Хоџај.

На средбата се зборувало и за идната средба во Париз, како продолжение на процесот од Берлин.

Ден пред престојот во Тирана, Хоџај престојувал во САД, што е негова прва посета откако ја превзеде функцијата шеф на косовската дипломатија.