Со притвор од 30 дена се соочи дадилката која малтретирала девет месечно бебе.

Оваа одлука ја донесол вчера Основниот суд Скопје 1, откако социјланите мрежи и медиумите ја раширија веста брзо како молња.

Снимката беше постирана на Фејсбук, од близок член на малтретираното бебе, а истата таа снимка денес е повлечена од социјалната мрежа.

Веднаш после откривањето на случајот, се огласи и лицето Ванчо Митев, преставувајќи се наводно како адвокат на дадилката.

„Законот е јасен за тоа што може да биде земено како доказ, а што не. Затоа барам издвојување на тие докази. Тоа требаше да биде земено предвид уште пред да се донесе решението за притвор. Мора да се почитува презумцијата на невиност“, пишува н својот Фејсбук профил Митев.

Адвокатот Ванчо Митев денеска ќе поднесе жалба на решението за притвор на дадилката.

– Од синоќа во 19 часот ми тече рокот за жалба, барам издвојување на снимката како доказ и судијата е должен тоа го направи исто како што се случи со прислушуваните материјали. Снимката во овој случај не е резултат на посебни истражни мерки и никако не може да послужи како доказ, вели Ванчо Митев, адвокат на дадилката.