Србија е со непроменети позиции за ставот за признавање на Косово, изјави министерот за надоврешни работи на Србија, Ивица Дачиќ за српскиот медиум РТС.

„Позицијата на Србија останува непроменета – да го признае Косово е невозможна мисија„ истакнал Дачиќ.

Според министерот властите во Косово не зборуваат за дијалог, дијалогот за нив не постои.За нив отпочнување на преговори значи признавање на Косово од страна на Србија а тоа нема да се случи доколку останат сегашните граници. Состаноци може да се случат безброј, но доколку не е во интерес и на Србија тогаш земјата тоа нема да го прифати.

Дачиќ констатирал дека во Берлин нема отпочнато никаква нова рунда од преговорите, бидејќи дијалог во моментот нема.