Приемот на Косово во „УНЕСКО“ би било апсурдно и катастрофално за светската организација. Тоа е исто како некој да предложи „Исламска држава“ да стане членка. Тоа го изјавил српскиот министер за надворешни работи, Ивица Дачиќ, пренесоа локалните медиуми.

„Четири од српските светилишта во Косово се прогласени за светско културно наследство од страна на „УНЕСКО“ и тие се во опасност. Од кого е оваа опасност? Тоа е исто како некој да ја предложи „Исламската држава" за членка на УНЕСКО“, изјавил Дачиќ.

Според него Албанија го поставила членството на Косово во агендата надвор од стандардните процедури, а гласањето на Извршниот одбор на УНЕСКО се врши со мнозинство гласови.