Да имате европска плата и да живеете во Макарска во Хрватска е најдобра работа на светот. 

Градот може да се пофали со 1.3 милиони туристички ноќевања реализирани лани, и 200.000 туристички посети. 

Оваа година очекуваат уште подобри резултати, а имаат и 1500 легла плус од кои 450 се хотелски. 

Но, туризмот носи приходи и на другите стопански објекти. 

Па така фирма за сладолед која вообичаено има 10 работници, во сезоната ангажира уште 30 луѓе. 

Дел од хотелиерите појаснуваат дека имаат потреба од келнери, готвачи, рецепционери. Им стигнале 100 пријави, селектирале 6 кандидати, а од нив никој не дошол на разговор, по што одлучиле дека е неопходно платите да ги зголемат за 15%.