Кривичниот суд го одби барањето на семејството на новинарот Томислав Кежаровски кое бараше тој да се брани од слобода, за што како гаранција приложи недвижен имот, и му го продолжи притворот за нови 30 дена. Како причина за тоа, од Cудот ја наведоа можноста, Кежаровски да побегне и да ја напушти државата. Кежаровски кој беше уапсен во полициската акција „Ликвидација“, трет ден штрајкува со глад. Тој е притворен поради наводно објавување на име на заштитен сведок во 2008 година. Домашните и регионалните новинарски здруженија побараа ослободување на Кежаровски, а ОБСЕ изрази загриженост дека случајот може да ја влоши слободата на медиумите во Македонија.