Дел од членовите на ДИК испратија писмо до Собранието.

Во писмото до претседателот на Собранието, Трајко Велјаноски го известуваат дека на гласачкото ливче ќе има само една партија и дека тоа е надвор од Уставот и изборниот законик, односно дека ДИК нема основа да организира избори.

Писмото е потпишано од  Игор Милев, Виолета Дума од СДСМ, Субхи Јакупи од ДУИ и претседателот и потпретседателот  на ДИК, Алекснадар Чичаковски и Реџеп Прекопуца.

„Со спроведување на избори во кои учествува само една кандидатска листа, би значело оттуѓување и пренесување на суверенитетот на граѓаните само на една политичка партија што е спротивно на член 1 и 2 од уставот на Република Македонија. Вака спроведените избори би биле нелегитимни и не кредибилни, а нивното одржување би претставувало целосна суспензија на уставно правниот поредок на Република Македонијa” - се вели во писмото на дел од членовите на ДИК.

Потпишаните се со став дека ДИК мора да ги истакне овие факти бидејќи нејзина основна задача е да се грижи за законитоста во подготовката и спроведувањето на изборите.