Членовите на владејачката партија до вчера грчка партија „СИРИЗА“ на премиерот Алексис Ципрас ќе се одвојат од неа и ќе состават своја политичка сила. Тоа го објавија медиумите во Грција.

Новата партија очекувано ќе ја води поранешниот министер за енергетика на Ципрас и познат критичар на спасувачката програма Панајотис Лафазанис.

Одлуката доаѓа откако вчера Ципрас поднесе оставка од функцијата и повика на свикување на предвремени избори на 20 септември. Причината беше загубата на мнозинство од својата сопствена партија за време на гласањето во парламентот на третата спасувачка програма за земјата, која на крајот беше одобрена благодарение на гласовите на опозицијата.

Според грчките весници 25 пратеници од „СИРИЗА“ ќе создадат новото движење, кое ќе се вика „Леики Анотита“ или „Популарно единство“. Меѓу отцепниците сепак нема да е претседателката на парламентот Зое Константинополу и поранешниот министер за финансии, Јанис Варуфакис.

Самата „СИРИЗА“ не е хомогена партија, а е составена од неколку левичарски движења.