Членките на Европската унија едногласно го отфрлија предлогот на Европската комисија на „црната листа“ да стави 23 држави и територии.

На листата се наоѓаат држави за кои се верува дека носат висок ризик од перење пари или финансирање на тероризам.

Членките соопштија дека тој предлог не е востановен во транспрантен процес, пренесе агенцијат АП.

На листата, помеѓу останатото, се држави како Саудиска Арабија, Северна Кореја, и Нигерија, но и четири американски прекуморски територии.

Тој список има за цел да се зголеми надзорот и истрагата за финансиски трансакции од тие земји и територија за да се пронајдат сомнителните текови на пари.

Европската комисија сега ќе мора да направи нова листа и да ја земе предвид загриженоста на државите членки.