Четворица повредени при судир на два џипа на патот Охрид – Кичево
Четворица се тешко повредени во сообраќајната несреќа што утрово околу 8 часот се случила на патот Охрид - Кичево, на потегот меѓу селата Мешеишта и Требеништа.
Повредените се префрлени во охридската болница „Свети Еразмо“. Едно лице е во животна опасност. По директниот судир на двата џипа, се превртел и еден камион обидувајќи се да ги избегне возилата.
Увидот е во тек, а сообраќајот на магистралниот пат Охрид – Кичево е во прекин, додека возилата се пренасочуваат по заобиколени патишта.
Повеќе информации од СВР Охрид најавуваат во текот на денот.
Слично
Поврзани вести
