Проф. д-р Предраг Миниќ од Институтот за мајка и дете „Вукан Чупиќ“ вели дека состојбата на четирите деца кои се на респиратор поради компликации од ковид е малку подобра, но дека не е премногу оптимист.

- Сите четири деца утрово се за нијанса подобри. Помалку или повеќе, сите четири покажуваат одредено подобрување. Сепак, ова засега е мало подобрување, кое не дава трајно охрабрување - вели за Курир рс. проф. Миниќ.

Веќе три недели наназад на респираторен апарат за дишење се поврзани петмесечно бебе, 16-годишно девојче, кое три недели се бори за живот на инвазивна механичка вентилација, 17-годишно момче, а од вчера и седумгодишно девојче, кое исто така е единственото со доиполнителен коморбидитет, односно е пациент на нефрологија каде е интубирано.