Негативен е на тестот за коронависус, но лидерот на српската партија ЛДП има сериозно јаки болки во градите. Тој од петокот е во болница и според информациите има воспаление на белите дробови.

Неофицијално неговата здравствена состојба е тешка и комплицирана и политичарот трпи силни болки.

„Лекарите се сомневаат на емболија на белите дробови или воспаление на рбетниот мозок“, наведува извор, но напоменува дека засега не е утврдена причината за таквото влошување на состојбата.

Проблем претставува и високиот крвен притисок кој лекарите се обидуваат да го спуштат.

Состојбата на Јовановиќ најверојатно е последица од прележаниот коронавирус во јули.

Тој во јули беше позитивен на коронавирусот и имаше компликации по што остана во болница подолг период.