На местото каде пред три недели терористичка група беше разбиена од полициските сили во кумановкста Дива населба, денеска се упатија новиот министер за внатрешни работи Митко Чавков и амбасадорот на САД во Македонија Џес Бејли .

Двајцата претходно остварија средби со кумановскиот градоначалник во Куманово.

Ова е прва посета на Чавков како  министер за внатрешни работи на  СВР Куманово и во врска со случајот и настаните од Куманово рече дека се информирал кај неговите колеги.

- Морам да подвлечам дека значително се менува перцепцијата на граѓаните во однос на работењето на полицијата, а за тоа сведочат истражувањата кои се независни и ги спроведува ОБСЕ на секои две години. Се повеќе се подобрува односот и задоволството на граѓаните од работата на полицијата, но во истовреме сум и критичен и самокритичен, затоа што никогаш не треба да се задоволиме со една статус кво ситација. Мора да ги најдеме и слабостите пред, за време и после настаните во Куманово, истакна Чавков.

Тој истакна дека сега  Куманово е сигурно и оти настанот на 9 и 10 мај бил изолиран настан од страна на, како што рече, поедници и криминални групи кои не наидоа на подршка од локалната заедница.

- Јас ви гарантирам како министер за внатрешни работи дека полицијата многу интензивно, многу проактивно ќе работи на благовремено индентификување на евентуални закани и реагирање на таквите закани, истакна Чавков.

Амбасадорот Бејли денес во Куманово истакна дека ја поддржува полицијат аграѓаните и на градоначалникот по настанот од 9 и 10 мај.

- Дојдов за настанот во Лопате, но не можев да го одминам Куманово и да им дадам поддршка на полицијата, граѓаните и градоначалникот кои пред две недели прежививеаја значајна драма, но и за заложбата и животите кои ги дадоа храбрите полицајци. Најзначјано е тоа што покрај тоа низ што минаа, граѓаните останаа и се држеа заедно и ја отфрлија идејата дека ова е етнички конфликт и дека насилството е прифатливо за нив. Мислам дека тоа е многу значајна порака. Тука сум да ја да ја изразам мојата загриженост во име на пријателството на САД и да поразговарам со локалните водачи со цел да се зачува атмосферата во населбата која владеела и порано, изјави американскиот амбасадор Бејли.

Дамјановски пак истакна дека министерот за внатрешни работи Чавков најавил соработка и посета на општина Куманово.

Да се потсетиме...

Во полициската акција во кумановската населба Тоде Мендол на 9 и 10 мај загинаа 8 полицајци, а беа повредени 37. Во акцијата загинаа и десет припадници на криминално - терористичката група која беше запоседната во оваа кумановска населба.