Во Кривичниот суд денеска започна  судењето на Захир Беќири – Чауш, главен осомничен во случајот „Фабрика за афери“ или аферата со печатење лажни лични карти, патни исправи и други документи.

Пред почетокот на судскиот процес за Захир Бекири-Чауш, неговиот адвокат Мирослав Вујиќ тврди дека тој не ги видел доказите кои ги има Обвинителството.

Тој бараше  одлагање на процесот, тврдејќи и дека неговиот клиент бил држен во Основното јавно обвинителство, каде му било вршено притисок, трпел закани и добивал непринципиелни предлози.

„Ме тераа во Обвинителство да кажам дека уесбето ми го дале Зоран Заев и Зоран Верушевски. Истотака, ми се заканија дека ќе ми го уапсат целото мое семејство“ изјави Чауш.

Инаку, Чауш во моментов издржува казна затвор во Идризово за друго кривично дело.