Извршниот директор на BMW, Харалд Кругер, се повлекува во пресрет на најслабите резултати на автомобилскиот гигант во последната деценија.

Германската компанија во петокот објави дека Кругер (53) нема да бара продолжување на неговиот договор, кој истекува на крајот од април 2020 година. Одборот на директори ќе се состане за да разговара за прашањето за наследник на 18 јули, а Кругер ќе остане на функција додека одлуката не е донесена.

Оваа вест доаѓа откако BMW влезе во лош финансиски циклус и беше погодена од 1,4 милијарди евра за антимонополски случај како и од повисоки трошоци за новата технологија која е строго регулирана. 

Компанијата, со седиште во Минхен, се соочува со притисоци кои влијаат врз автомобилската индустрија во целина, вклучувајќи ги и високите трошоци за развој на електрични возила за да се исполнат построгите регулативи за емисии во Европа и Кина, како и инвестиции во автономни возила за да се натпреваруваат со технолошки компании како Waymo и Uber. BMW е погодена од зголемени царински тарифи за возила што се извезуваат во Кина од фабриката во Спартанбург, Јужна Каролина, поради трговскиот спор меѓу САД и Кина.

Во соопштението на компанијата се цитира Кругер, кој стана главен извршен директор во 2015 година, велејќи дека би сакал да продолжи со "нови професионални напори".

Типично е дека договорите на германските директори да се обноват една година пред истекот, а недостатокот на објава за обновување доведе до шпекулации во германските медиуми дека неговиот мандат може да биде несигурен.

Претседателот на одборот Норберт Рејтофер, кој беше претходник на Кругер како извршен директор за години со силен профит, рече дека "целосно го почитува и разбира за неговата одлука и неговите идни планови".