Цените на златото и среброто во петок, 27 февруари, го најавија нападот на САД и Израел врз Иран што се случи само еден ден подоцна, според соопштението од Центарот за злато. Цената на златото се искачи на 5.278 долари за унца, скокнувајќи за 2 отсто во рамките на еднодневното тргување на американската берза, додека цената на среброто достигна 93,7 долари за унца, што е зголемување од дури 7,6 отсто исто така во рамките на 24-часовен интервал.

Се очекува силен скок на цените на златото и среброто во понеделник.

Нападот на САД и Израел врз Иран ги активираше сите аларми на глобалните пазари, а самото исчекување на овој настан еден ден претходно доведе до нагло зголемување на цената на златото и среброто. Цените на златото и среброто често служат како лакмус тест и важен индикатор за ризикот на глобалниот пазар токму поради нивната улога во заштитата на вредноста во време на растечка неизвесност и криза.

Многумина сега се прашуваат: што ќе се случи со цената во понеделник кога повторно ќе се отворат берзите? Аналитичарите предвидуваат отворање со јаз, што значи дека цените на златото и среброто би можеле веднаш да скокнат на уште повисоки нивоа во споредба со затворањето во петок. Проценките велат дека златото би можело да тестира нивоа од 5.300 до 5.350 долари за унца, додека среброто би можело да достигне помеѓу 95 и 98 долари за унца.

Понатамошниот развој на настаните ќе зависи од потенцијалната ескалација на конфликтот на Блискиот Исток, кој веќе изгледа како претходница на поширок регионален конфликт, како и од импликациите на овој конфликт врз цената на нафтата, стапката на инфлација и целата светска економија, пренесува Forbes Hrvatska.

foto printskrin youtube