Златото имаше одлична година лани, со раст од 64 проценти, што е најголем скок на цената од 1979 година.

Скапоцените метали ја почнаа Новата година продолжувајќи ги своите добивки, бидејќи геополитичките тензии и надежите за пониски каматни стапки оваа година ја одржаа побарувачката за безбедни засолништа жива. Спот-цената на златото порасна за еден поен и три проценти на 4.372,02 долари за унца, откако достигна рекордно високо ниво од 4.549,71 долари на 26 декември. Цената претходно падна на двонеделен минимум во среда.

„Се чини дека скапоцените метали се опоравуваат од распродажбата на крајот на годината што ги погоди претходно оваа недела. Притисоците за затворање на крајот на годината се намалија и златото ја започнува 2026 година со добивки сега кога фундаменталните фактори се повторно во фокусот“, рече Тим Вотерер, главен пазарен аналитичар во KCM Trade.

Според Ројтерс, порастот на цените на златото минатата година беше поттикнат од намалувањето на каматните стапки, облозите за понатамошно олеснување од страна на Федералните резерви на САД (ФЕД), геополитичките конфликти, силната побарувачка од централните банки и растечките инвестиции во берзански тргувани фондови (ETF), пренесува Пословни.