Цените на недвижностите во Црна Гора ги рушат сите рекорди, а растот, наместо да забавува, станува уште поинтензивен.

Во Црна Гора, цените на недвижностите со години не покажуваат знаци на забавување. Напротив - само во 2024 година е забележан раст од 20,8 проценти, речиси шестпати побрз отколку во Европската Унија.

Просечната цена во нова зграда достигна 1.844 евра за квадратен метар, а во крајбрежните области до 3.500 евра. Во луксузниот сегмент, бројките се искачуваат на неверојатни 14.000 евра за квадратен метар во Тиват.

Главната причина за овој тренд лежи во силната побарувачка, не од домашните граѓани, туку во огромниот прилив на странски капитал. Инвеститори од Русија, Турција, Србија и ЕУ со години купуваат станови во Црна Гора, не поради потребата од простор за живеење, туку како инструмент за заштеда и профит - преку краткорочен закуп, препродажба или чисто капитално паркирање.

Повеќе од 40 проценти од станбените единици во земјата не се користат за домување, туку се празни или се изнајмуваат сезонски, пренесува Б92.

foto Wikipedia/Daniel Nyul