Поскапуваат горивата од ноќеска на полноќ, одлучи Регулаторната комисија за енергетика и водни услуги.

Малопродажните цени на бензините ЕУРОСУПЕР БС-95 и ЕУРОСУПЕР БС-98 и на ЕУРОДИЗЕЛ (Д-Е V) се зголемуваат за 1 денар за литар, додека малопродажната цена на Екстра лесното масло за домаќинство (ЕЛ-1) се зголемува за половина денар. Малопродажната цена на Мазутот М-1 НС се зголемува за 0,824 денари за килограм и сега ќе изнесува 37,843 денари. 

Според новиот ценовник моторен бензин ЕУРОСУПЕР БС - 95 ќе чини 72 денари, а литар моторен бензин ЕУРОСУПЕР БС -98 ќе чини 74 денари. 

Дизел гориво ЕУРОДИЗЕЛ БС (Д-Е V) ќе чини 63,5 денари за литар, а маслото за горење Екстра лесно 1 (ЕЛ-1) ќе биде 63 денари за литар.