Цената на златото би можела да порасне на 5.000 долари за унца во првата половина од 2026 година поради геополитичките ризици и растечкиот глобален долг, според прогнозата објавена денес од британската банка HSBC.

Во исто време, банката ја намали својата просечна прогноза за цената на златото во 2026 година од претходните 4.600 долари на 4.587 долари за унца, бидејќи очекува корекција на цената подоцна во годината, објавува Ројтерс.

HSBC изјави дека надолу корекција на цената може да биде уште позначајна ако геополитичките ризици ослабат или ако Федералните резерви на САД престанат да ги намалуваат каматните стапки. Ако Федералните резерви престанат да ги намалуваат каматните стапки или ги зголемат, златото станува помалку привлечно бидејќи обврзниците и штедењето даваат повисоки приноси.

Банката предвидува дека цените на златото ќе варираат помеѓу 3.950 и 5.050 долари за унца во текот на 2026 година, со висока волатилност во трговијата и цена на крајот од годината од 4.450 долари.

HSBC, исто така, ги зголеми прогнозите за просечните цени на златото за 2027 и 2028 година на 4.625 и 4.700 долари за унца, од претходно 3.950 и 3.630 долари.

Банката очекува цената на златото да биде 4.600 долари за унца на крајот од 2027 година, додека просечната вредност за 2029 година ќе биде 4.775 долари.

Во 2025 година, цената на златото порасна за 64 проценти на годишна основа, со најбрзо темпо од 1979 година, потсетува британската агенција.

foto printskrin youtube