„Сити“ предвидува дека цената на златото ќе достигне 3.500 долари за унца во следните три месеци. 

„Сити банка“ ја зголеми прогнозата за цената на златото за следните три месеци од 3.300 на 3.500 долари за унца (31,1 грам), со образложение дека изгледите за економски раст и инфлација во Соединетите Американски Држави се влошени на краток рок.

„Се очекува загриженоста за инфлацијата предизвикана од царините во САД да остане зголемена во втората половина од 2025 година, што, заедно со слабеењето на доларот, ќе придонесе за умерен раст на цената на златото кон нови рекордни вредности“, потврди банката, пренесе Ројтерс.

Минатата недела, американскиот претседател Доналд Трамп воведе високи царини за увоз од десетици трговски партнери, вклучувајќи ги Канада, Бразил, Индија и Тајван. Трговскиот претставник на САД, Џејмисон Грир, рече дека овие царини веројатно ќе останат на сила и нема да бидат ублажени како дел од тековните преговори.

foto freepik.com