Цената на американската сурова нафта WTI (West Texas Intermediate) денес беше нестабилна и се движеше околу 67 долари за барел, откако Организацијата на земјите извознички на нафта (OPEC plus) објави зголемување на производството за август.

Тоа зголемување е поголемо од очекуваното, што сигнализира доверба во силата на пазарот, објави „Трејдинг економикс“.

Осумте членки на ОПЕК се согласија да го зголемат производството за 548.000 барели дневно следниот месец, а слично зголемување веројатно ќе следи и во септември.

Саудиска Арабија, исто така, ги зголеми цените на својата главна сурова нафта за Азија.

Групата го зголеми снабдувањето од мај до јули со стапка од 411.000 барели дневно.

ОПЕК Плус соопшти дека одлуката е заснована на стабилните глобални економски изгледи.

Уште едно зголемување ќе биде разгледано на состанокот на 3 август.