Во Франција цената на струјата урива рекорди. 

Големопродажната цена на струјата во Франција достигна рекордно ниво, надминувајќи 1.000 евра за мегават-час, што е за 1.000 отсто повеќе од пред една година, пишува весникот „Фигаро“.

За истиот период минатата година струјата во земјата била 85 евра за мегават-час. Просечната цена на струјата во многу држави од ЕУ  надмина 700 евра за мегават-час, потсетува РИА „Новости“. Весникот пишува дека зад ваквото поскапување стојат неколку причини – ограничување на испораката на руски гас во Европа поради конфликтот во Украина, како и исклучување на неколку нуклеарни реактори во Франција поради корозија. Само 24 од 56-те нуклеарни реактори на ЕДФ во Франција работат. 

Францускиот претседател Емануел Макрон претходно ги информираше граѓаните дека времето на изобилство заврши. 

foto freepik.com/bell_ka_pang