Остриот пораст на цените на среброто го турнаа односот злато-сребро на нивоа последен пат видени од големата финансиска криза. 

Односот злато-сребро падна под 50 за прв пат од март 2012 година. Едноставно кажано, ова значи дека среброто моментално се тргува на највисоко ниво во однос на златото за речиси 14 години, во услови на силен ценовен раст што доведе до пораст на цената на златото за повеќе од 80 проценти во изминатата година, на 5.100 долари за унца, додека среброто скокна за 250 проценти на 110 долари за унца. Ова е историски максимум и за двата метала.

На Светскиот економски форум во Давос минатата недела, канадскиот премиер Марк Карни изјави дека „меѓународниот поредок базиран на правила“ се урива. Тој систем се однесува на децении трговија, безбедност и финансиска соработка изградени по Втората светска војна. Кога тој поредок изгледа нестабилен, инвеститорите се свртуваат кон средства за кои веруваат дека можат да имаат вредност надвор од дофатот на владите и валутите.

Во овој контекст, растот на цените на скапоцените метали е лесно да се разбере. Но, брзината со која среброто расте во однос на златото е потешко да се објасни. Историјата покажува колку е ова необично. Од 1985 година, соодносот во просек изнесува околу 70, паѓајќи под 50 само шест проценти од сите трговски денови. Тоа не значи дека мора брзо да се врати на просекот. Војните, долгот и инфлацијата продолжуваат да го насочуваат капиталот кон метали. Сепак, кога одредена вредност речиси никогаш не се појавува, инвеститорите го забележуваат тоа. А кога доволен број од нив ќе го забележат тоа, тоа може да почне да ги обликува понатамошните движења, пренесува Forbes Hrvatska.

foto printskrin youtube