Светските цени на храната се намалиле до најниско ниво од август 2010 година во минатиот месец. Причината е тоа дека цените на сите основни прехранбени групи, со исклучок на месото, се намалија, предводени од наглото повлекување кај млечните производи според последниот извештај на Организацијата за храна и земјоделство на ОН. Ценовниот индекс на агенцијата кој ги мери месечните промени во цените на кошницата од житарици, маслодајни култури, млечни производи, месо и шеќер, достигна просечна вредност од 191,5 поени во септември отстапка со 5,2 поени, или 2,6% , спрема пријавените во август. Измерениот однос на септември 2013 година, во резултатот е надолу со 12,2 поени, или 6%. Повлекувањето во индексот е шесто последователно - најдолгиот период на непрекинат пад од крајот на 90-тите години на минатиот век. Според Организацијата за храна и земјоделство влијанието врз сите меѓународни цени на суровините е последица на "широкото поскапување на американскиот долар". Билатералните санкции меѓу Русија и Европа во врска со конфликтот во Украина продолжуваат да ги потиснуваат цените на млечните производи, истакнува уште Организацијата за храна и земјоделство. Во спротивност со овој тренд, цените на месото се покачија до 207,8 поени во септември, или за 0,3 процентни поени повеќе во однос на ревидираната вредност за август. Според експертите од ОН достигнатото ниво е нов историски врв. Во основата на опаѓањето на цените се силните прогнози за производството на житарици и пченица и очекуваните високи нивоа на залихи на житни култури во крајот на годината. Организацијата за храна и земјоделство ја зголеми прогнозата за светското производство на житни култури за 2014 до 2,523 милијарди тони, или со 65 милиони тони повеќе од предвидувањата, претставени во мај. Агенцијата исто така ги зголеми прогнозите за светското производство на пченица до новиот рекорд во историјата од 718,5 милиони тони во споредба со 716,5 милиони тони порано. Светските залихи на житни култури во крајот на сезоната 2015, пак, ќе бидат 627,5 милиони тони во споредба со 616 милиони тони во претходната прогноза. К.К.