Регултароната комисија за енергетика ги објави новите цени по кои бензините ќе се точат од полноќ каде што бензините поскапуваат за 1 денар и половина, а цената на дизелот останува иста.

Така цената на ЕУРОСУПЕР БС-95 изнесува 82,50 денари за литар, додека цената на ЕУРОСУПЕР БС-98 изнесува 84 денари за литар.

Малопродажната цена на ЕУРОДИЗЕЛ (Д-Е V) останува 70 денари за литар.

Малопродажната цена на Екстра лесното масло за домаќинство (ЕЛ-1) се намалува за половина денар и ќе се продава за 58,5 денари за литар.

Се намалува и малопродажната цена на мазутот и тоа за 0,176 денари за килограм и ќе се продава по 41,70 денари. Со оваа Одлука се врши зголемување на рафинериските и на малопродажните цени на нафтените деривати во просек за 0,31 процент, односно за 0,28 отсто.