Цементарница УСЈЕ АД Скопје оствари позитивни финанскиски резултати од работата во 2013 година, покажа неревидираниот финансиски извештај што компанијата го достави до Македонската берза. На домашниот пазар е регистрирана зголемена вредност на продажбата на производите на оваа компанија за 1%, додека вредноста на продажбата во странство се намалила за 17% во однос на 2012 година. Вкупните приходи од продажбата се намалиле за 5%. Компанијата ја заврши 2013 година со зголемена нето добивка од 12% во однос на 2012 година. Така, нето добивката на компанијата изнесувала 1,5 милијарди денари (речиси 24,5 милиони евра).