Бунарџик се пласира на 47 место од 50 слободни економски зони во рангирањето извршено од страна на списанието fDI, специјализирана публикација за директни странски инвестици, која е во сопственост на „Фајненшл Тајмс.“ Оценувани се 600 слободни економски зони во 120 земји. Рангирањето е спроведено по извршено истражување во пет категории: погодности во работењето, изградени објекти и инфраструктура, економичност во работењето, транспортни врски и промоција. Инаку, на листата од 50 најатрактивни зони за вложувања дури 13 се од Обединетите арапски емирати (ОАЕ), а и на прво место е слободна економска зона од ОАЕ - Dubai International Financial Centre. Од регионот на Источна Европа, 4 се од Полска, 3 од Летонија, 2 од Србија (слободната зона Пирот на 41 место и слободната зона Ечка Од Зрењанин на 48 место) и по една има од Русија, Хрватска (слободната зона Загреб е на 43 место), Велика Британија и Македонија.