Парите од Европската унија за Македонија бугарски националисти сакаат да ги сопрат. - Уште утре европратеникот Димитар Стојанов ќе поднесе барање до Европскиот парламент да бидат сопрени сите фондови за Македонија поради недобрососедските односи коишто ги има со Бугарија - порача лидерот на Националдемократската партија, Капка Георгиева, за ТВ7, пренесува Плус Инфо. Според Георгиева со Македонија треба да се дејствува тврдо, бидејќи ако се дозволи таа да влезе во ЕУ, треба да се научи да се однесува поевропски. - Проблемот на Македонија се вика Спаска Митрова, којашто се осмели да се нарече Бугарка и затоа беше малтретирана, а детето ѝ беше одземено, но тоа ги заплашува и другите 150.000, доколку се дрзнат да се наречат Бугари - вели Георгиева.