Економијата расте, инфлацијата во Бугарија се намалува, а платите одат нагоре.

Во вториот квартал од 2016 година бруто домашниот производ (БДП) расте со 3% во однос на соодветниот квартал од претходната година и за 0,7% во однос на првиот квартал од 2016 година, покажуваат податоците на Националниот статистички институт.

За споредба, во првите три месеци беше регистриран економски раст од 2,9% на годишна основа.

Потрошувачките цени се зголемуваат со 1% на годишна основа.

Во вториот квартал на 2016 година БДП во номинални услови достигнува 21 753 милиони лева.

Извозот и увозот на стоки и услуги се зголемуваат  со 2% и 2,2% во однос на вторите три месеци на 2015 година.

Останува падот кај инвестициите кои се намалуваат за 4,5% на годишна основа, иако се зголемуваат за 0,4% во однос на првите три месеци од 2016 година, достигнувајќи 4 689 милиони лева.

Зајакнувањето на економскиот раст има свое влијание и врз пазарот на труд во Бугарија.

Просечната бруто месечна плата расте со 2,6%, во однос на првото тримесечје од 2016 година, до 946 лева.