Германските вооружени сили планираат поради недостатокот на кадри да воведуваат странци кои би носеле германска униформа.

Бундесвер бара регрути во земјите на ЕУ, нудејќи им почетна плата од 2 000 евра бруто.

Можноста за вработување во германската „легија на странци“ ја имаа кандидати од земјите на ЕУ, а се претпоставува дека добрата плата и можност за напредување ќе бидат добра замка за младите од источна Европа, а посебно за оние од Балканот.

Досега важеше правилото дека припадници на германските вооружени сили може да бидат само германски државјани. Почетната плата во Бундесверот изнесува околу 2000 евра бруто, а офицерската , во рангот на потполковници околу 5000 евра, без бонус, пишува Novac.hr. 

-Вработување на специјалисти од други земји на ЕУ е една од опциите кои ги разгледуваме-рекол генералот Еберхард Зорн, офицер одговорен за кадровски прашања.

Германското министерство за одбрана веќе повика некои европски партнери, пред се на истокот, но реакцијата досега е „воздржана“. Бугарија изрази загриженост поради можно масовно заминување на своите вооружени сили во Германија.