Цената на литар бензин во Бугарија на Божиќ ќе достигне 2,50 лева (75 денари) за литар. Ова го предвидува експертот од Бугарското здружение за нафта и гас Светослав Бенчев. Во земјава овие цени веќе се на важење, а се предвидува и нов раст.

Цената на суровата нафта пред еден месец беше 80 долари за барел, но нејзината вредност оваа недела достигна 86 долари за барел, што е рекорд во последните 8 години

„За месец и половина цените на нашите бензински пумпи се зголемија за околу 11 отсто, додека суровините поскапеа за околу 25 отсто, ова поскапување е сосема нормално со наближувањето на зимата“, објасни тој. 

Сепак и самиот вели дека Бугарија се уште има најниски цени на горивото во ЕУ со и без такси. 

На 21 септември вредноста на бензинот во  Бугарија А-95 изнесуваше 2,27 лева за литар, додека сега на бензинските пумпи веќе се продава по 2,38 -2,40 лева за литар.

Нагорниот тренд започна на 1 октомври. Дизелот за наведениот период поскапува за 0,13 лева за литар (5,75 отсто) со тенденција нагоре. Пред еден месец се продаваше за 2,26 лева за литар, а сега 2,39 лева за литар. 

Во исто време, пак, малите бензински пумпи во Бугарија стравуваат од банкрот поради високите трошоци. 

Од 19.10.2021 година од 00:01 часот максималните цени на нафтените деривати во земјава изнесуваат 

Моторен бензин ЕУРОСУПЕР БС - 95 е 76,50 денари за литар

 Моторен бензин ЕУРОСУПЕР БС -98 е 78,50 денари за литар

 Дизел гориво ЕУРОДИЗЕЛ БС (Д-Е V) 68,50 денари

Масло за горење Екстра лесно 1 (ЕЛ-1) 68,00 денари за литар.