Околу 72 отсто од Бугарите сметаат дека состојбата во нивната земја е „неподнослива“, што е најголем процент во последните шест години, покажала анкетата на Институтот отворено општество, спроведена во периодот од 5 до 16 јули, на репрезентативен примерок од 1.155 испитаници. „Овој процент е најголем во последните шест години и е поголем за 15 процентни поени во споредба со јули 2012 година“ - се вели во извештајот за анкетата.. Само два отсто од граѓаните сметаат дека состојбата е „нормална“, а 22 отсто ја оцениле како „поднослива“. Во однос на економската состојба, 63 отсто од испитаниците одговориле дека таа се влошила за една година, а 37 отсто стравуваат дека таа уште ќе се влошува. Околу 40 отсто од Бугарите се изјасниле дека имаат поголема доверба во европските институции отколку во националните, објавија сајтовите во регионот.