Соседна Бугарија ја надмина Франција по производството на велосипеди.

Бугарските велосипеди се извезуваат за Германија, Холандија, Франција, Италија.

Ова го соопшти Драгомир Кузов, претседател и сопственик на фирмата „Веломаниа". Според Кузов произведените во Бугарија велосипеди во 2014 година се 950.000, а иако официјалната статистика за 2014 и 2015 година уште не е објавена, податоците ќе бидат малку поголеми, како и за 2016 година.

„Просечната цена на велосипед во Холандија е околу 900 евра, во Германија - малку под 600 евра, а во Бугарија - 119 евра“ - вели Кузов.

Бугарија е на четврто место по производство на велосипеди во Европа.

Најголемата потрошувачка на велосипеди е во Франција. Таму годишно се продаваат околу 3 милиони, во Холандија - 2.300.000 велосипеди. Слична е состојбата и во Германија. Во Бугарија се продаваат околу 80.000 велосипеди.