Бугари се фатени со фалсификуван пасош на име Силвестер Сталоне. 

Обвинителството вчера обвини четири лица осомничени дека припаѓале на група која произведувала и дистрибуирала лажни бугарски документи и фалсификувани банкноти, американски долари и евра. 

„Полицијата заплени и бугарски пасош со фотографија од познатиот американски актер, кој бил користен како примерок за да им се покаже на клиентите високиот квалитет на нивните производи“, се вели во соопштението на обвинителството.

Фалсификаторите беа уапсени откако се пронајдени машини за печатење и опрема за производство на фалсификувани банкноти и документи, по претресите на 30 локации низ Бугарија во заедничка акција со Европол и американската тајна служба. При претрес на стан во Пловдив, полицијата заплени големи количини висококвалитетни фалсификувани банкноти долари и евра, како и лажни бугарски лични карти и возачки дозволи.