Премиерката на Србија, Ана Брнабиќ синоќа на својот Твитер профил му одговори на германскиот амбасадор во Приштина, Јорн Роде, по повод најновите случувања на Косово. 

„Навистина се безобразни изјавите на амбасадорот на толку многу нивоа. Прво, денес изјавивте дека мора да се отстранат барикадите, па дури и се осмеливте да дадете рокови (до Божиќ). „Амбасадоре, појаснете: Ваш Божиќ или наш? Само да знаеме“, праша Брнабиќ.

Брнабиќ додаде дека барикадите се таму поради уапсениот поранешен полицаец Дејан Пантиќ и го праша амбасадорот Роде дали знае дека семејството на Пантиќ не е во можност да разговара со него 11 дена и дека никој, вклучително и ЕУЛЕКС, не знае каде всушност се наоѓа. Понатаму, таа наведува дека тој нема каде да биде освен во гетото на косовскиот премиер Албин Курти. 

Брнабиќ изјави дека, според Роде барикадите се нелегални и праша дали е легално да се киднапираат луѓе.

„Дали ова не ви пречи? Ако не, Дедо Мраз можеби нема да ви донесе подарок“, рече Брнабиќ.

Таа рече дека изјавите на Роде, освен ако не бил „погрешно протолкуван или имал мозочен удар пред интервјуто“, се „длабоко загрижувачки“, затоа што тој експлицитно им се заканува на Србите.

Министерот за одбрана на Србија Милош Вучевиќ денеска изјави дека најавата на косовскиот премиер Албин Кури дека по секоја цена ќе ги отстрани барикадите на северот на Косово е „општа закана за Србите, особено на оние кои живеат на Косово“.

Оперативниот директор на косовската полиција Газменд Хоџа изјави дека барикадите што ги поставија Србите на северот на Косово ќе бидат отстранети „во моментот кога ќе се направи соодветна процена“.