Бугарија како нискобуџетна туристичка дестинација ќе се „офајди“ од референдумот во Британија, коментира  Румен Драганов, директор на Институтот за анализи и проценки во туризмот.

Последиците ќе доведат до намалување на куповната моќ на граѓаните на Велика Британија и се смета дека тие ќе летуваат на евтини дестинации како Бугарија, коментира експертот.

Секогаш кога економијата на Велика Британија била во подем, нејзините граѓани одмарале на најпрестижните туристички дестинации, а кога се во криза ги  бараат нискобуџетните, објаснува Драганов.

Прогнозите се дека во периодот од 2017 до 2019 година земјата ќе има туристи од Британија, Швајцарија, Франција, Германија и Шпанија и други европски земји.

Од друга страна за Бугарите, кои работат и учат во Велика Британија, нема да има последици по напуштањето на ЕУ поради космополитскиот карактер на земјата.