Бугарскиот премиер Бојко Борисов при денешното гостување во Србија и средбата со српскиот претседател Александар Вучиќ објави дека издејствувал српскиот град Димитровград да го носи и бугарското име Цариброд. Ќе биде признаена двојазичноста и на српски ќе остане Димитровград, а на бугарски ќе се води како Цариброд.

- Радосен сум што за прв пат од 1951 година на таблите, патните знаци и личните документи името на градот ќе го носи и бугарскиот назив  од сега и како официјален. Им честитам на Бугарите од двете страни на границата - напиша Борисов на својот профил на Фејсбук.

Тој во Белград денеска од Вучиж ја прими највисокото признание „Орден на Република Србија“ за заслуги за воспоставување добри односи помеѓу двете земји.