Сите разлики меѓу Бугарија и Северна Македонија треба да бидат измазнети, рече бугарскиот премиер Бојко Борисов...

Борисов вчера разговараше со министерот за надворешни работи на Македонија, Бујар Османи.

„Идните генерации нема да ни простат ако ја испуштиме оваа голема можност“, рече Борисов.Тој исто така истакна дека напредокот на Македонија и Албанија на патот кон ЕУ не треба да се одложува и затоа разликите меѓу Софија и Скопје треба да бидат надминати, стои во соопштението од бугарската влада, како што објави БТА.

„Двете земји треба да се подготват за преговори водени од разум, а не од емоции, за да можат нашите соседи да влезат во ЕУ“, рече Борисов, додавајќи дека ова е геостратешката цел на Бугарија.

Борисов оцени дека двете земји треба да го следат патот на дипломатијата и разбирањето.

„Хероите кои паднаа на слободата не можат да бидат тема што не дели затоа што тие сонуваа да бидеме заедно и да ги жртвуваме своите животи за тоа. Тие треба да бидат мост на пријателството, а не разделба“, нагласи Борисов.

Борисов и Османи разговараа и за билатералните односи меѓу двете земји, за европската перспектива на Македонија и за предизвиците поставени од пандемијата на коронавирусот.

Фото: Официјален фејсбук профил Бојко Борисов