Бојко Борисов, премиерот на Бугарија, го честиташе вчерашното официјално зачленување на Македонија во НАТО со порака да продолжат реформите во земјата и да се зацврстат односите помеѓу двата соседи.

„Од денес, Република Северна Македонија е триесетта земја членка на НАТО. Им честитам на нашите соседи за пристапувањето во Северноатлантскиот договор и со нетрпение очекувам да продолжат внатрешните реформи во земјата. Потребни се дополнителни резултати за зајакнување на владеењето на правото, слободата на медиумите, реформа на безбедносниот сектор и усогласување на вооружените сили со стандардите на НАТО. 

Се надеваме дека заедничката активност меѓу нашите вооружени сили во рамките на НАТО ќе придонесе и за развој на одбранбени способности и интероперабилност и за развој на братски односи меѓу нашите две земји“, порача Борисов.