Борче Давитковски, деканот на  правниот факултет „Јустинијан први“ се повлекува од функцијата.

За НОВА , деканот вели дека со месеци се соочува со притисоци и инспекции на  факултетот а последниот скандал ја прелил чашата кога  Инспекторатот побарал од него да им даде откази на професорите Добринка Тасковска, Димитар Гелев и Томислав Гроздановски, односно нивните избори за редовни професори да ги поништи.

Тие ги преиспитувале нивните рецензии и потоа бараче од него да потпиша откази, инсистирале да бидат поништени. Тие рецензии се поминати пред многу години и на Научно-наставнички совет и на универзитетски Сенат, вели деканот, при тоа образложува дека  притисоците врз правниот факултет траат со години, а тие притисоци вклучувале и политички притисок за вработување на лица блиски до власта итн, пренесува НОВА. Професорот Димитар Гелев во јавноста е познат како критички настроен кон состојбите во општеството и е еден од гласните критичари на политиките во високото образование.

Ректорот  Велимир Стојковски ја добил оставката и доколку ја прифати следува назначување на вршител на должност.