На европската турнеја на познатата рок-група U2, фронтменот Боно Вокс пееше за бегалците.

Пејачот своите концерти ги користи за да испрати пораки до европските политичари да го променат својот став за примање на бегалците од Сирија.

Toj запеа: „And l have no compass, and l have no map“, (Немам компас и немам мапа), „And i have no reasons, no reasons to get back“ (Немам причина да се вратам назад). На крајот од песната „Bullet the Blue Sky“, Боно пееше ,,Јас не сум опасен, јас сум во опасност".

Боно е познат по својата хуманитарна работа, а на настапот во Италија тој рече дека мора светот заеднички да ја реши бегалската криза.

- Што сакате? Европа со срце и граници затворени за милост? Или Европа со отворено срце? Што сакате? Место кое можете да го наречете дом, порача Боно.

Инаку, во текот на песната „Pride (Ind the Name of Love“, Боно стиховите ги измени во оние каде зборуваат за „телото на детето пронајдено на празната плажа“, реферирајќи на фотографијата со безживотното тело на 3-годишниот Ајлан Курди.