Откако со денови владеачката гарнитура го повикуваше а пред седум дена и специјалната обвинителка Катица Јанева му ги побара материјалите за незаконско следење на комуникациите, опозицискиот лидер Зоран Заев ја послуша. Денеска и ги предаде таканаречените „бомби“  кои всушност и ја предизвикаа политичката криза во земјава, во спакувани шест кутии и тие ќе се чуваат на безбедно во Специјалното обвинителство. „Сега се е во рацете на специјалната обвинителка Катица Јанева. Јас ги исполнив обврските од договорот од Пржино, и со граѓаните очекуваме правда“, порача опозицискиот лидер после предавањето на материјалите. Со месеци наназад лидерот на СДСМ објавуваше прислушувани разговори со кои како што вели се откриени криминалите и злоупотребите кои власта ги правела сите овие години на власт. Заев искажа верување во специјалното обвинителство и порача дека вистината ќе излезе на виделина . Сега се е во раце на специјалната обвинителка Јанева, чии прдизвици допрва почнуваат.