На територијата на Грција лежат најголемите залихи на злато на стариот континент, пренесува Блумберг и најавува дека канадската компанија „Елдорадо“ е подготвена да инвестира повеќе од милијарда американски долари за ископување на златото и отварање на повеќе илјади работни места. Според проценките Грција има залихи злато со вредност од осум милијарди унци или околу 11 милијарди долари. Сепак, посочува агенцијата, проблемот е во тоа што рудата е распространета на голем број различни локации, а во некои случаи се работи за помалку од еден грам злато на тон земја, што бара големи ископувања.