Blackstone групацијата понуди околу 400 милиони долари за преземање на 40% од сопственоста на израелската приватна компанија NSO која стои зад изработката на софтверски алатки за шпионирање на паметни мобилни телефони и комуникациска опрема. 

Во „походот“ на Blackstone ќе му се придружи и компанијата ClearSky која ќе преземе 10% од акциите со цел да извршат заеднички обид за откуп од NSO. Двете фирми се од САД и кои се нивните крајни намери за користење на израелската технологија засега се непознати бидејќи ниту од Blackstone ниту од  ClearSky не коментираат за планираната зделка со NSO.

Инаку NSO е формирана од израелците Омри Лавие и Шалев Хулио во 2009-та година, а во 2014-та од страна приватната финансиска инвестициска фирма Francisco Partners доби капитализација од 140 милиони долари. 

За 2016-та додели дивиденда од 230 милиони долари. Доколку склучат договор со Blackstone и ClearSky инвестицијата на Francisco Partners речиси тројно ќе се зголеми, со тоа што двајцата основачи и натаму ќе имаат по 6% од акциите, додека пак вработените ќе располагаат со 8% од акциите.

NSO често е предмет на скандали за шпионирање како неодамнешниот во Мексико каде постојат сомнежи дека Владата сакала да го користи софтверот Pegasus за шпионирање на опозицијата. 

Х.С.