Пред две недели официјално е отворена CANDY FACTORY во Луанда, во Специјалната економска зона. Ко-сопственик на фабриката е компанијата Нелт ЛДА, членка на српската групација Нелт. Препознатливи гуми за џвакање, лижавчиња и бонбони од Луанда ќе бидат дистрибуирани во цела Африка.

Нелт е важна регионална компанија која од година во година бележи раст на деловното работење на Балканот, а овој тип на инвестиции покажува колку се широки аспирациите за раст. Проектот во Ангола е претставува инвестиција од над 20 милиони евра.

„Во моментов вработуваме 90 работници, а очекувам за две години таа бројка да се искачи на преку 150 вработени. Со производствен капацитет од 6.700 тони годишно, дневното производство брзо ќе надмине 15 тони бонбони, лижавчиња и гуми за џвакање“, изјави Борис Мачак, извршен потпретседател на Нелт Група за африканскиот пазар.

Афричките земји се пазари во развој со многу можности во  однос на бројот и старосната структура на населението, но и поради изобилството на природни ресурси, кои особено денес претставуваат основа на економскиот развој. Истовремено, предизвик е да се најде квалификувана работна сила,а пазарите се прилично нестабилни, со многу барања и предизвици. Сепак паметната стратегија на Нелт предвидува брз раст.

„Candy Factory има амбиција да биде национално и регионално препознаена како компанија која произведува анголски брендови. Верувам дека силно ќе влијаеме на растот на категоријата бонбони, лижавчиња и гуми за џвакање, и дека наскоро ќе ја преземеме водечката улога во оваа категорија со 20% удел на пазарот“, објави Милена Киселички, директор за операции и развој на Candy Factory.

Нелт Групае присутна на пазарот во Ангола, Замбија и Мозамбик, каде што вработува над 500 луѓе. Се занимава со дистрибуција на своите брендови Неопланта и Фабрика за детска храна и производи на глобално признаени корпорации, како што се P&G, Mars, Nestle, Colgate, Heineken, SC Johnson, Dr. Oetker, Ferrero, Beiersdorf и други.

На глобално ниво Нелт Група се состои од 18 компании кои работат на 12 пазари во Европа и Африка, со 4.500 вработени и годишен обрт од преку една милијарда евра. Во Македонија Нелт СТ е присутна 24 години. Со своите 216 вработени, 6.500м2 магацински простор и 3.400 артикли во својата палета на продажба,  од своето основање до денес Нелт СТ претставува синоним за деловна извонредност во областа на дистрибуцијата.