Граѓани на Дебар предводени од бизнисмени дојдоа пред ХЕЦ Шпилје да протестираат откако од АД ЕЛЕМ соопштија дека градот цел ден ќе нема струја, но и поради се позачестените долги прекини.

Тие се жалат дека поради честото исклучување на струја трпат големи штети во бизнисот.

Го блокираа патот со автомобили од браната кон централата „Шпилје“ и најавија помасовни протести и тужби.

Директорот на подружницата АД ЕЛЕМ „Црн Дрим“ Сашо Коркут.им објасни дека за санирање на дефектот е потребно подолго време поради настанат дефект на дел од опремата.

Се чека овластениот сервисер „Кончар ИНГ” од Хрватска да го обезбеди делот кој е потребен за рестартирање.

Во Дебар денеска е предвидено од 10 до 18 часот да има прекин во снабдувањето со струја заради сервисирање на трансформаторот преку кој градот се снабдува со електрична енергија, соопштија од АД ЕЛЕМ.