Вчера вечерта, како што пренесува Индекс.хр, во Дневникот на ХТВ била емитувана навистина бизарна статија, за девојка од Србија која - успеала да го научи хрватскиот јазик!

„Да научите јазик за само три години толку добро што можете да одите на натпревари е успех и за одличните лингвисти. И тоа го постигна седумнаесетгодишната Теа Лончар, која го замени мајчиниот српски јазик со мајчиниот хрватски јазик, откако семејството се врати од Србија. Таа е најдобра ученичка во средното училиште Обровац и нема намера да застане тука“, се наведува во извештајот на ХТВ потпишан од новинарот Еди Шковрљ.

„Тимот на ХТВ не треперел на снимање долго време како пред 17-годишната Теа“, се наведува во бизарниот извештај, а пренесува Индекс.хр.

„Бевме многу внимателни пред Теа што и како зборуваме затоа што таа го анализираше секој наш збор“, рече Шковрљ, со што уште еднаш ги тероризираше граѓаните на Хрватска со јазичниот пуризам воведен од владата на Фрањо Туѓман и поради кој Хрватите постојано живеат страв да не кажам нешто погрешно, а особено да не употребат некој „србизам“.

Семејството се вратило во Хрватска од Крушевац во Србија пред три години, и толку години Теа учествува на окружниот натпревар по хрватски јазик.

Дали е фасцинантно што некој од Србија успеал да го „совлада хрватскиот“?

„Фасцинантно е како таа успеа да го совлада хрватскиот јазик. Сега таа оди и на натпревар“, изјавила класната раководителка на Теа, Ивана Шегариќ.

А од Индекс.хр пишуваат:

„Во секој случај, фасцинантно е што ХТВ објави ваков прилог, а забавно е што во прилогот што се занимава со јазични теми се покажува незнаење за разликата помеѓу јазикот и дијалектот, така што дијалектот на Крушевац е претставен како српски јазик. Секако, и посакуваме успех на Теа Лончар на натпреварите на хрватски јазик“, пишуваат шеговите новинарите нод Индекс.хр.

Извор и фото: Индекс.хр