„Битолското движење“ за утре во 12 часот најавува собир кај  црквата „Св Аранѓел“, а потоа блокирање на влезот на Битола од страната на Охрид.

Ова движење практично се приклучи со активности  на „Шарената револуција“.

Обичните протести, се исцрпија како метод, затоа што станаа обични и анемични прошетки, сметаат од „Битолското движење“.

„Континуитет заради континуитет, симболика заради симболика. За еден метод да биде ефективен, треба да се процени неговото политичко, социјално и економско влијание врз тие што ги носат одлуките. Врз локалната и централната власт. Односно, дали задаваме удари со нашите дејства или ги амортизираат и ги игнорира“- велат од „Битолско движење“.

Тие ги поддржуваат барањата на „Шарената револуција“.